Bayabas/Guava

Ang bayabas ay kilalang halaman lalo na dahil sa bunga nito na paborito ng maraming Pilipino. Ginagamit ang ilang bahagi ng halamang ito particular ang dahon bilang panggamot sa ilang mga karamdaman. Karaniwan naman itong tumutubo sa iba’t ibang lugar sa kapuluan ng Pilipinas.

ANO ANG MGA SUSTANSYA AT KEMIKAL NA MAAARING MAKUHA SA BAYABAS?

Ang iba’t ibang bahagi ng halamang bayabas ay maaaring makuhanan ng maraming uri ng kemikal at sustansya na maaaring may benepisyo sa kalusugan:

• Ang halaman ng bayabas ay makukuhanan ng mga kemikal na alkaloids, flavonoids, glycosides, polyphenols, reducing compounds, saponins at tannins.
• Ang dahon ay mayroong alkaloids, anthocyanins, carotenoids, essential oils, fatty acids, lectins, phenols, saponins, tannins, triterpenes, and vitamin C. Mayroon pa itong ß-sitosterol, maslinic acid, at flavonoids.
• Ang bunga naman ay may taglay na glykosen, saccharose, protein, at iba pa. Mayaman din ito sa Vitamin C.
• Ang ugat at balat ng kahoy ay parehong may mataas na lebel ng tannins

ANONG BAHAGI NG HALAMAN ANG GINAGAMIT BILANG GAMOT, AT PAANO GINAGAMIT ANG MGA ITO?

Maaaring gamitin bilang gamot ang ilang bahagi ng halaman tulad ng:

• Dahon. Ang dahon ay malimit gamitin na panggamot sa ilang mga karamdaman. Maaari itong ilaga at ipainom sa may sakit na parang tsaa. Maaari ring tadtarin ang dahon upang mas madaling makuhanan ng katas. Maaari ding ipanguya lamang ang murang dahon ng bayabas at gamitin ang nanguyang dahon bilang gamot. Maaari ring ipang tapal ang dinikdik na dahot sa mga apektadong bahagi ng katawan.
• Bunga. Ang bunga ng bayabas ay maaaring kainin lamang o lutuin at isangkap sa ilang mga putahe.
• Balat ng kahoy. Pinakukuluan ang balat ng kahoy upang ipang mumog o ipanghugas.
• Ugat. Inilalaga din ang ugat ng bayabas kasama ng iba pang bahagi ng halaman upang magamit bilang gamot.
• Bulaklak. Ang bulaklak din ay maaaring isama sa paglalaga ng ilang mga bahagi ng halaman.

ANO ANG MGA SAKIT NA MAAARING MAGAMOT NG BAYABAS?

1. Ulcer. Ang pagkakaroon ng ulcer sa sikmura ay matutulungang mapagaling nang mas mabilis sa tulong ng pag-inom ng pinaglagaan ng dahon ng bayabas.

2. Sugat. Mabilis din ang paghilom ng mga sugat kung tatapalan ng dinikdik na dahon ng bayabas. Mahusay din ang paghuhugas sa sugat gamit ang pinaglagaan ng sariwang dahon.

3. Pananakit ng ngipin. Maaaring nguyain ang murang dahon ng bayabas upang mabawasan ang pananakit ng ngipin. Dapat ding isiksik sa bulok na ngipin ang nginuyang dahon.

4. Pagtatae. Makatutulong ang pag-inom sa pinaglagaan ng tinadtad na dahon ng bayabas, o kaya pinaglagaan ng ugat at balat ng kahoy ng bayabas. May bisa din ang pinaglagaan ng murang bulaklak ng bayabas.

5. Pamamaga ng gilagid. Ang pamamaga naman ng gilagid ay maaring mapahupa ng pagmumumog sa pinaglagaan ng ugat at balat ng kahoy ng bayabas. Makatutulong din ang pagnguya ng murang dahon ng bayabas.

6. Rayuma. Ang pagtatapal ng dinikdik na dahon ng bayabas sa mga apektadong bahagi ng katawan ay makababawas sa pananakit dulot ng rayuma.

7. Hirap sa pagdumi. Ang bunga ng bayabas na ginawang jelly ay makatutulong sa pagpapadalit ng pagdumi.

8. Epilepsy. Ang katas ng dinikdik na dahon ng bayabas ay mabisa din sa pagpapahupa ng sintomas ng epilepsy.

9. Bagong tuli. Kilalang ginagamit ang pinagnguyaan ng dahon ng bayabas sa mabilis na pagpapagaling ng sugat sa bagong tuli.

10. Bagong panganak. Ginagamit din ang pinaglagaan ng dahon ng bayabas sa paghuhugas sa puerta ng babae na bagong panganak. Makatutulong ito sa mas mabilis na paghilom ng sugat.

Disclaimer: Ang mga halamang gamot ay maaaring makatulong sa iba’t ibang mga karamdaman. Subalit marami dito ay wala pang sapat na pag-aaral at wala pang kasiguraduhan. Hindi makapagbibigay ang Kalusugan.PH ng katiyakan na ang mga ito ay epektibo sapagkat ang epekto ng mga halamang gamot ay maaaring gumana sa ilan, ngunit sa iba ay maaaring hindi naman gumana. Gaya ng ibang gamot, mahalagang isangguni ang pag-inom ng mga halamang gamot sa inyong doktor.

PAPAYA

Ito ay huling bahagi hinggil sa mga benepisyo ng papaya sa iyong katawan. Narito pa ang ilan:

Nakakatulong para sa buntis – Karaniwan na sa buntis ang pagkakaroon ng morning sickness o ‘yun masamang pakiramdam sa umaga gaya ng pagsusuka at pagkahilo. Ang pagkain ng isang hiwa ng papaya ay makakatulong para mapigilan ito.

Nakakaiwas sa osteoporosis – Ang taglay na enzymes ng papaya ay nakakatulong para maiwasan ang panghihina ng buto na nagreresulta sa sakit na osteoporosis. Anti-cancer din ang prutas na ito dahil mayaman sa Bitamina A at C.  Kaya kung ikaw ay dumaranas ng trangkaso, mabuting kumain ng papaya para mapalakas ang immune system ng iyong katawan.

Shampoo – Mahusay din ito sa buhok, dahil nakakatanggal ito ng balakubak.

Contraception – Sa isang pag-aaral ng mga eksperto, pinakain ng papaya ang mga adult monkeys at naobserbahang nawalan ng gana ang mga ito na makipag-sex kahit pa nagbibigay ng signal ang mga babaeng unggoy para sa kanilang “mating”. Dahil dito, maraming naniniwala na mahusay din na contraceptive ang papaya lalo na kung ang iyong partner ay “mahilig” sa sex. Bukod dito, tumutulong din ang papaya para maging regular ang menstruation ng mga kababaihan. Maging ang pamumulikat ay maiiwasan din sa mga panahon ng pagreregla kung regular na kakain ng papaya.

Dahon ng Kaymito/Star Apple Leaves

Ang Dahon ng Kaymito(Star Apple Leaves) ay hindi lamang isang ordenaryong dahon, dahil ito ay may malaking kontribusyon sa ating mga tao, dahil ito ay maaring gamiting gamot sa Pananakit ng Tiyan, Dayarya at sa Mga namamagang bibig at Gilagid.
Ang mga sumusonod ay ang mga paraan kung paano ito gamitin para sa mga sakit na nabanggit.


Pananakit ng Tiyan at Dayarya

*Pakuluan ng 15 minuto ang isang tasa ng tinadtad na dahon ng kaymito sa dalawang basong tubig.
 *Ilipat ang pinagpakuluang tubig nito at ilagay sa Tasa, Inumin ito habang maligamgam.

Dosage:
            Matanda: 1 tasa,3x sa maghapon at bawat pag dumi ng malabnaw.


            Bata: (Sanggol) 1 Kutsara, 3x sa maghapon at bawat pag dumi ng malabnaw.
                      (2-6 years old) 1/4 tasa, 3x sa maghapon at bawat pag dumi ng malabnaw.
                      (7-12 years old) 1/2 tasa, 3x sa maghapon at bawat pag dumi ng malabnaw.


Mga namamagang bibig at Gilagid
*Pakuluaan ng 10 minuto sa 2 basong tubig ang isang tasa ng tinadtad na sariwang dahon.
*Gawin itong Pang mumog.


Paalala:
 Ang mga halamang gamot ay natural na ibinigay ng diyos sa atin, gamitin natin ito ng tama. Kung patuloy at lumalala parin ang mga karamdaman, maari po tayong kumunsulta sa Doktor.